Waxaa galabta ka dhacay agagaarka wadadda isgoyska KM4 ee Magaalada Muqdisho ayaa maanta laba ciidan oo ka wada tirsan Ciidamo Dowladda KMG ah waxaa ka dhex dhacay dagaal qaraar oo aad u kululaa, gaystayna qasare baaxd leh.

Dagaalka ayaa markii hore ku dhawaad 3:00 galabnimo waxaa uu ka ka dhex arxay Ciidamo Dowlada ka tirsan oo rabay inay baabuur xamuul ah ka qaataanlacago baad ah balse ay ka hor sitaageen ciidamo kale oo meel laamiga u dhow degan wararka qaarna sheegayaan inay ilaalo u yihiin Taliyaha Ciidamada Badda Soomaaliya Faarax qare kaasoo gaystay khasaarihii ugu badanaa ee dagaalada dhacay uu gaystay.

Dagaalkaasi oo daqiiqado socda ayaa waxaa dagaal kale uu ka bilowday wadada Taleex iyadoo markii la arkayay ciidamo ka tirsan kuwa AMISOM oo wata baabuurta gaashaan oo wadada taleex ku sii qul qulaya,waxaana markaasi socday dagaalo u dhexeeyay Ciidamada Dowlada KMG Soomaaliya iyo xoogaga ka soo horjeeda.

Dagaalkaani danbe waxaa la isgu adegsaday hubka waaweyn sida madaafiiicda oo kale waxaana uu socday waqti kooban kaasoo xiray isku socodkii dadka iyo gaadiika wadada Maka Almukarama inkastoo dagaalkii ka horeeyay uu wadada xiray.

Inta la ogyahay ilaa 3 qofood ayaa dagaalkaasi ku geeriyootay kaasoo u dhexeeyay ciidamada Dowlada dhexdooda kuwaasoo kala ahaa Haweeney madaxa looga jiro, askari ka tirsan kuwa Dowlada ka tirsan iyo Haweeney kale, iyadoo tiro kale oo intaasi ka badana ku dhaawacmeen sida wiil dhalinyaro ah iyo haweeney laamiga qarkiisa wax ku iibsaneysay.

Dhanka kale xaalada ayaa saacad kadib ku soo noqotay caadi, waxaana furmay isku socodka dadka iyo gaadiidka wadada Maka Al-Mukarama ee Magaalada Muqdisho, lamana yaqaan sida Saraakiisha Dowladu u xalin doonaan dagaalka ka dhex dhacay Ciidamada Dowlada oo mar kasta soo noqnoqda.

Muuse maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666