Ixtifaalada lagu waynaayo
bishan barakaysan ee rabiicul awwal oo ah bishii uu dhashay nabigeenna
muxammed SCW ayaa waxa ay si talantaali ah uga soconayaan magaalooyinka
, tuulooyinka dhamaad wadamada reer yurub , kuwii ugu danbeeyey
ayaa waxa ay ka dhaceen dalka holland gaar ahaan magaalada DEN
HAAG .
Kulan diimeedkan oo si heersare ah loo
soo qabanqaabiyey ayaa waxaa ka soo qeybgalay dadweyne aad u tiro
badan kuwaas oo aad ugu riyaaqayey siirada , mucjisaadka iyo waliba
taariikhdii nabigenna muxammed NNKH .
Munaasabdda ayaa si habsami loo furay ayadoo
ay culumadu ay halkaasi ka aqriyeen taariikhda dheer ee ka hadlaysa
nabiga SCW ee ku qoran kutubka mowliidka taaso loo yaqaan CADIRTA
. intaa kadib waxaa markaliya furmay khudbadii diiniga ahaa ee
loogu talagalay .
Shiikh Muuse nuur shiikh muuse (shiikh
muuse cadde) oo ka tirsan culumaaudiinka soomaaliyeed ee aadka
looga yaqaan dalka iyo dibadaba ayaa waxa uu dadweynihii ka soo
qeybgalay mowliidka uga sheekeeyey mucjisaadkii nabiga SCW , khayrka
ku jiraa in la dhigo mowliidka nabiga SCW .
Shiikh muuse cadde oo dadweynihii halkaasi
ka qeybgalay ay aad ugu riyaaqeen khudbadiisa ayaa gabagabadii
waxa uu uga duceeyey dhamaan umadda soomaaliyeed in uu ilahay
dhibka ka kor qaado nabad iyo barwaaqana ugu badalo .
waxaa kaloo ka qeybgalay culumada kala
ah shiikh Maxamed IIKAR , shiikh siciid , shiikh bashiir iyo culumo
kale .
Munaasabada mowliidka nabiga SCW ee ka
dhacay magaalada DEN HAAG ee dalka holland ayaa waxaa soo qabanwaabiyay
jaaliyadda soomaaliyeed ee dalkaasi waxan akmid ahaa :
Mr : Axmed xaaji cali
Mr Mohamed muuse
Prof : Abdi xakiim cabdi ismaciil
M r: Mahdi maxamed shiikh
M r: cabdi wali axmed diiriye
Mr :cabdikariim axmed jaamac KATAANGE
Dr : Cali khaliif faarax iyo masuuliyiin kale .
Ugu danbaytii , waxaa munaasabdaasi lagu
waynaynayey loogana sheekeynayey dhalshadii nabiga SCW ee DEN
HAAG ka dhacday ay si heersara ah lagu khatimay , kuandhamaatay
sidii loogu talagalay .
W/Q: Wariye Axmed khadar
Email:axmedmbc@hotmail.com
Muuse maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
|
