Tan iyo markii ay duntay
dowladdii milatariga ee uu hogaaminaayay Maxamed Siyaad Barre
waxa uu wadanku soo maray marxalado badan oo aad u adag, waxaa
markii lagu dhowaaday in laga baxo oo dhinaca horumarka loo
jeesto nagusoo duulay cadowga soo jireenka ah ee Itoobiya oo
ay gadaal ka riixaayeen reer galbeedka uu ugu horeeyo Maraykanka
isagoo aanan ku ekaanin taageeradii dhinac kasta lahayd ee uu
siinaayay ee wuxuu si bareer ah u weeraray gobo lagu tuhunsanaa
inay ku dhuumaalaysanaayeen madaxdii iyo dhamaan ciidankii maxkamadaha
halkaasoo ay ku laayeen dad badan oo isugu jira dhamaan bulshada
qaybaheeda kala duwan iyo waliba in badan oo ka mid xoolihii
ay dhaqaanaayeen dadka deegaanadaas ku noolaa.
Hadaba dadaal badan iyo iskaashi dal
& dibad ah oo Soomaalida badankeed ay sameeyeen inkastoo
ay jireen dad u haystay inay hadda uun wanaag heleen oo kuna
hadaaqi jiray erayo aad u fool xun haddana ayaa ugu danbayntii
ilaahay uu noo fududeeyay in iyagoo ka shalaysan soo galidi
ay baxeen dharbaaxadii lama filaanka ahayd oo ay muqaawamadu
ku dhifteen aawgeed iyo colaadda cusub ee ay u qaadeen umadda
Soomaaliyeed.
Intii ay waxaasoo dhan dhacaayeen waxaa
barbar socday dadaalo kale oo cadowgii Itoobiyaanka nagusoo
hubeeyay isagana kor naga duqeeayay (Maraykan) uu waday waxayna
talo la dhaafi waysay inuu Afrikaanka u qaylo dhaansado si uu
uga helo ciidamo uu ku bedalo kuwa Itoobiya oo qarka u saarnaa
inay isdhiibaan waxaan gorgortan waqti dheer qaatay ka dib heshiis
la galay Ugaandha oo ogolaatay in shaqadii Itoobiyaanka meesha
kasii wadan si loo marin habaabiyo Soomaalida oo u midowday
dagaalkii lagu jiray Itoobiyaanka.
Waxaa nasiib daro ah in shirqoolkii ay
dhaqsaba ku dhaceen dad badan oo hurmuud ka ahaa muqaawamadii
dagaalka kala hortimid cadowgii jabay kuwaasoo bilaabay inay
umadda u sheegaan in dagaalkii dhamaaday Ugaandha & Burundina
aysan cadow ahayn waase beenowday oo way ka darnaadeen waayo
intii uu Itoobiyaanku dilay labadii sano ka badan ayay hadda
maraayaan haday sii joogaana kasii badan ayay diyaar u yihiin
inay xasuuqaan, Cadowgii ugu waynaa ee Soomaaliya waa maraykankee
ayaa adeegsaday siyaasado guracan oo uu ku kala qaybinaayo muqaawamadii
markii xabadoodi loo babac dhigi waayay ayaa la bilaabay in
iyaga qaarna lasoo dhowaysto kuwa kalana lagu sheego argagaxiso
taasoo keentay qoladii uu soo dhowaystay inay ku dhaceen dabinkii
uu dhigay una dhega nuglaaday wax kasta oo uu uyeeriyana kusoo
dhoweeyay Yes Sir kala saar la’an ugu danbayntiina qaatay
erayadii uu ugu yeeri jiray iyaga laftooda “ARGAGAXISO”
ka dibna waxaa bilawday doorkii Ugaandha oo sugi la’aa
shaqadii loo keenay ee ahayd laynta shacabka Soomaaliyeed taasoo
inta la ogyahay xitaa hadda duqayn ku haaya goobihii loo barakacay
oo uu Itoobiyaanku xitaa ka xishoon jiray inuu qaraaco sida
KM 13, Tda & qaybo kaloo fara badan iskaba daa Suuqyada
waawayn ee Muqdisho iyo xaafadaha ay ku hareen dadka fara ku
tiriska ah ee meelay u qaxaan garan waayay.
Midda la yaabka leh ayaa waxay tahay
dadka kala garan la’a saaxiibkooda iyo cadowgooda kuna
hadaaqa maxaa laga rabaa Ugaandha & Burundi, waa Su’aale
meelaha ay degan yihiin ma iyagaa leh? Tan xigta haday sida
ay sheegtaan ay nabad ilaalin yihiin ma oga dareen nabadi mise
way ilaaliyeen? Hadii lasoo weeraro inay shacabka ka aargoostaan
ma dowbaa? Itoobiya dalka maka wada baxday mise wali si muuqata
ayay ugu jirtaa? Qaramada midoobay sharci ahaan maxay ka qabtaa
shacab maalin kasta lagu garaaco hub mamnuuc ka ah goobaha rayidka?
Waxaan leeyahay sharciga beenta ah ee qaramada midoobay xitaa
haddii loo fiirsho waxa Soomaaliya ka sameeyeen Itoobiya &
AMISOM waa maxkamad oo waad ogtihiin in dad badan lagu eedeeyo
xasuuq oo maxdamado caalami ah lasoo taago, maxay tahay sabata
kuwa Soomaalida laayay & kuwa hadda laynaaya loogu abaal
mariyo hub casri ah iyo dhaqaale fara badan? Waa maxay sababta
loo cunaqabateeyay Eritaria oo lagu eedeeyay inay hub keento
Soomaliya, waa su’aale Hubka & ciidanka Itoobiya soo
galiso oo joogtada ma xalaalbaa kan Eritariyana ma xaaraanbaa?
Waxaa kasii daran Hubka aan la qarin ee lagu faano ee uu maraykanku
kusoo daabulo Soomaaliaya ma aayado quraanaa xalaaleeyay? Horaa
wariye Al-jaziira ka tirsan waxa uu u yiri dilka diyaarado,
dabaabaad, sawaariikh iyo hub casri ah wax lagu dil ma ilbaxnimaa?
kan is qarxiska qofka la gumaaday dadkiisa uu gaystana ma doqonimo
& fulaynimaa? taasoo ka caraysiisay Aabaha dulmiga caalamka
(Maraykan) dad badana hurdada ka kicisay oo tustay dulmigiisa
uu inta soo dhoofiyo qofkii ka gilgishana uu ku tilmaamo ARGAGAXISO.
Waxaaan dhihi karaa waa kaa adki (la
jiifiyaana banan) ee wax sharci muslim & mid gaalo oo loo
cuskan karaahi ma jiro qof kastana waa ogyahay taas, hadaba
maxaa nala gudboon? Waxaa nala gudboon ugu horayn inaan Ilaahay
u towbo keeno kuna dhaqano shareecadiisa, marka aan kala garano
cadogeena & saaxiibkeena, ee ma ahan inaan si indha la'aan
ah u daba socono cadowgeena Maraykan, Itoobiya iyo kuwa u shaqeeya
iyagoo fiirsanaaya dana gaara oo aysan waligoodna gaarayn waayo
dadkooda oo cadow loola soo safto waxba laguma noqdo.
cabdulaahi maxamuud tooxow
(tooxowyare@hotmail.com)
musejisow@hotmail.com
Muqdisho Bakaaro Somalia
00252-1-5576666
00252-50-907666
Ku
Laabo Bogii hore
