Wasiirada Arimaha dibada ee Somaliya Fowsiyo Yuusuf Xaaji oo dalka dib ugu soo laabatay

2/20/2013 4:59:00 P

Shirka Golaha amaanka Qaramada Midoobe waxaa la isla soo qaaday sidii ciidamo badeed oo xoog leh loogu dhisi lahaa Soomaaliya si ay uga hortagaan falalka burcad badeeda Soomaalida


Waxaa maanta magaalada Muqdisho dib ugu soo laabtay Wasiirada arimaha dibada Soomaaliya Fowsiyo Yuususf Xaaji Aadan taasoo ka timid dalka Mareykanka halkaasoo ay dhawaan kaga qeybgashay shir golaha amaanka qaramada midoobe uu isugu yimid.

Xubno ka tirsan Dowlada ayaa wasiirada ku soo dhaweeyay garoonka diyaaradaha Aadan Cadde ee Magaalada Muqdisho markii ay soo caga dhigatay diyaaradii ay la socotay wasiirada.
Mar ay wasiiradu ka hadleysay shirkii ay ka soo qeybgashay wixii looga hadlay ayay sheegtay waxyaabihii ugu muhiimsanaa ee dhanka soomaaliya looga hadlay sidii cunuqabateynta hubka looga qaadi lahaa Soomaaliya iyo sidoo kale qaabkii looga adkaan lahaa burcad badeeda.
“shirka Golaha amaanka Qaramada Midoobe waxaa la isla soo qaaday sidii ciidamo badeed oo xoog leh loogu dhisi lahaa Soomaaliya si ay uga hortagaan falalka burcad badeeda Soomaalida”ayay tiri wasiirada .
Sidoo kale waxaa la isla soo qaaday sida wasiiradu sheegtay in dib u eegis lagu sameeyo howlgalka ciidamada Midowga Afrika ee Soomaaliya.iyadoo dhanka kale soo hadal qaaday hadal kenta ka xanaajiyay oo ay ka sheegtay shirka qaramada Midoobe.
“warka aan sheegnay warbaahinta ayaa buun buunisay anaha iyo kenya xiriir fiican ayaa naga dhexeeya mana aaminsani inay wax u dhimi doonto wixii aan sheegnay oo ahaa kaliya in ciidamadeena badda naloo dhiso islamarkaana aanaan u baahneyn ciidamo badeed dalal kale ka yimid.”ayay mar kale tiri wasiirada oo ku celcelisay inay kenya abaal uga hayaan sida ay dhiigooda ugu hureen nabadeynta dalka Soomaaliya sida ay sheegtay.


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com