Gawaari mareysay wadada isku xirta magaalooyinka Nairobi iyo Gaarisa oo jidka loo galay iyo qasaare ka dhashay

1/13/2013 2:15:00 P

Labada qof oo ka mid ahaa rakaabkii saarnaa gaariga ayaa isla goobta ku dhintay, halka sedex kale ay ku dhaawacmeen, kuwaas oo dhaawacooda loo qaaday isbitaalka Gaarisa, waxaana lagu soo waramayaa in raggii hubeysnaa ee gaariga rasaasayey ay goobta isaga cararen iyagoo aan wax xatooyo ah u geysan rakaabkii saarnaa gaarigaasi


Laba qof ayaa ku dhintay weerar ay Rag hubaysayn ku qaadeen gaari Bus ah agagaarka deegaanka Bagale oo ku yaalla waddada wayn ee isku xirta magaalooyinka Nairobi iyo Gaarisa, waxaana la sheegay in weerarkaasi ay dad kale ku dhaawacmeen.

 Dadka dhintay iyo kuwa dhaawacmay ayaa waxay ka mid ahaayeen dad rakaab ah oo saarnaa bas ku sii jeeday magaalada Mandhera, waxaana weerarka uu yimid ka dib markii kooxo hubeysan ay ka soo baxeen gaari yar ka dibna ay isku hor gudbeen baska ka dibana ay raasaas ooda uga qaadeen gaarigaasi halkaasi oo ay ku dileen 2 ruux kuwo kalena ay ku dha weceen.
Labada qof oo ka mid ahaa rakaabkii saarnaa gaariga ayaa isla goobta ku dhintay, halka sedex kale ay ku dhaawacmeen, kuwaas oo dhaawacooda loo qaaday isbitaalka Gaarisa, waxaana lagu soo waramayaa in raggii hubeysnaa ee gaariga rasaasayey ay goobta isaga cararen iyagoo aan wax xatooyo ah u geysan rakaabkii saarnaa gaarigaasi.
Lama oga illaa iyo hadda sababta ay raggani u weerareen gaarigaasi oo la sheegay inuu waday dad rayid ah, waxaase la sheegay in ciidamo ka tirsan kuwa dalka Kenya ay goobta soo gaareen, lamana sheegin ilaa hadda cid ay u soo qabteen weerarkaasi,waxase la sheegay inay baariytaano ku sameeyeen goobo kala duwan oo ku yaala agagaarka halkii uu weerarku ka dhacay.
Ma aha markii ugu horeysay ee uu weerar lagu qaado gaadiid ku sii jeeday magaalada Mandheera, iyadoo taasi ay wehliso weeraro joogto ah oo lagu hayo ciidamada Kenya ee ku sugan magaalooyinka kala duwan ee dalka Kenya, iyadoo dhinaca kale dalka Kenya ay ka jirto in dadka ay isku dilayaan aanooyin qabiil iyo arrimo ku saabsan doorashooyinka la filayo inay dhawaan ka dhacaan gudaha dalka Kenya.

Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com