Macquul maaha inay dowladda soomaaliyeed iyo kenya kuheshiiyaan maamul u sameynta kismaayo waayo waxay noqoneysaa qayaano qaran.waxaase dhici karta in .......

1/2/2013 7:32:00 AM

kadib markii wafdigii dowladda lagasoo celiyey magaalada kismaayo dhowr isbuuc kahor ayeey shacabka soomaaliyeed aad udhaliileen kaalinta ay dowladdu kuleedahay talada kismaayo


Macquul maaha inay dowladda kenya maamul usameynta kismaayo uga dambeyso dowladda federaalka ah ee soomaaliyeed sababtoo ah waxaa markaas meesha kabaxaya danihii ay kalahayd qabsashada magaalada kismaayo.suurto galna maahan inay DF soomaaliyeed fuliso danaha dowladda kenya oo taasi waxay noqoneysaa qayaaano qaran. laakiin waxaa meesha kamuuqdo in lagalay heshiis loogu talagalay in lagu suuxiyo ama lagu dejiyo shacabka dhaliilsan kaalinta ay dowladdu ku leedahay talada kismaayo.


kadib markii wafdigii dowladda lagasoo celiyey magaalada kismaayo dhowr isbuuc kahor ayeey shacabka soomaaliyeed aad udhaliileen kaalinta ay dowladdu kuleedahay talada kismaayo ,taasoo dhlisan kacdoon shacab iyo muran xoogeystay.markaas kahor dowladda kenya qorshahaba uguma jirin inay dowladda soomaaliya kaqeyb geliso maamul usameynta kismaayo,balse markii dambe ayeey kenya aragtay inay ayada lafteeda khatar kutahay keli talisnimada degdegna loo ogaanayo inay qabsatay magaalada kismaayo ee aysan cidkale uqabay sida ay sheegan jirtay. markaas ayaa laraadiyey dan kadhexeyn karta seddexda geesood ee kala ah raaskambooni ,kenya iyo dowladda federaalka ah.

Sidee xeego/xeero loo xagtaa ilkana ku nabad galaan iyo xaal mastuur ayaa arintii lagu deyey. madaxweyne xasan wuxuu dhextaagnaa labo kuu daran mid dooro oo ahayd inuu kala doorto kenya oo bahdileysa iyo inuu xm.alshabaab culeyska kadabciyo si ay dalka udifaacaan. sidoo kale kenya waxay kuqasbaneyd inay jebiso heshiiskii ay lasoo gashay jabhadda raaskambooni ee kusaabsanaa qeybsashada kheyraadka jubbooyinka oo ay dowladda raacdo taasoo aysan wax dan ah ugu jirin.ama inay DF ah bahdileyso oo ay uxoog sheegato dabadeedna uu shacabku kukaco sida haddaba dhacday oo ay lasafato jabhadda raaskambooni maadaama ay kudaneysaneyso. dhinaca axmed madoobe xaalku waa kuxumaa oo ma uusan dooneyn inuu ismuujiyo oo uu yiraahdo kenya ayaan lasoconaa dowlaada federaalka ahna shaqo kumalihin inkastuuba xaalku saas yahay. sidoo kale ma uusan dooneyn inuu soomaali wax laqeybsado kenyana kuyiraahdo waa mahadsan tihiin mar haddii alshabaab magaalada laga saaray iska taga,taas muusan awoodin mana rabin.

Xaalkii waxaa lagusoo dhameeyey inay kenya howsheeda wadato,dowladda federaalkana aan labah dilin oo ay soobooqan karaan kismaayo ayagoo amarka raacayo,axmed madoobana uu idaacadaha kasheego inuu dowladda laheshiiyey oo ayadu maamulka dhiseyso. waxaa arintaa noo cadeyn kara inaysan kenya ciidan iyo maalba kuweynin inay caawiso dowlad soomaaliyeed ,inaysan yeeleynin weli nalasii joog oo alshabaab naga celi caawinaad daraadeed.iyo tan seddexaad oo ah inaysan raaskambooni iyo ciidan dowladeedba aysan iska celin karin isagana filneyn iska caabinta ciidamada alshabaab ee weli magaalada dhinac kajooga. haddii laysku sooduubo waxaan dhihi karnaa kenya way uga guuleysatay dowladda federaalka maamul usameyntii kismaayo ama jubbooyinka,laakiin waxaa weli nool ciidamadii sanadka iyo barka kuhorfadhiyey 60km.ee alshabaab iyo shacabkii oo waxbadan ogaaday.soomaaliya soomaali baa leh kenyana way riyooneysaa.
w/q, xagaleey


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com