Wasiiro & Xildhibaano DF ka tirsan soo dhoweeyey Magacaabista Xildhibaan Siyaad Max'uud Shire ee Qunsulka safaaradda Soomaaliya ee Kenya

12/29/2012 2:51:00

magacaabista Qunsulka wuxuu sheegay in qof kasta oo xil loo dhiibo lagu qiimeeyo waxqabad, oo aaney jirin cid ilaa weligeey xilkii loo dhiibo iska hayneyso


Wasiiro & Xildhibaano ka tirsan dowladda Federaalka Soomaaliya ayaa soo dhoweeyey magacaabista loo magacaabay Xildhibaan Siyaad Max'uud Shire Xilka Qunsulka safaaradda Soomaaliya ee waddanka Kenya, waxeyna xubnahani sheegeen in Siyaad uu yahay siyaasi shaqo kasta oo Qaranku u dhiibo uga soo dhalaala si xilkasnimo & daacadi ku dheehan tahay.

 

Xildhibaan Xassan Faarax oo ka mid ah baarlamaanka oo ka hadlay magacaabista Qunsulka wuxuu sheegay in qof kasta oo xil loo dhiibo lagu qiimeeyo waxqabad, oo aaney jirin cid ilaa weligeey xilkii loo dhiibo iska hayneyso, wuxuuna sheegay in muddadii uu Siyaad Max'uud Shire siyaasadda soo galay ay soo wada shaqeeyeen inta badan

xildhibaanadii & wasiiradii xilalka ka soo qabtay xukuumaddii Cali Geeddi, loona aqoonsan yahay inuu yahay shaqsi ku firfircoon shaqo kasta oo loo dhiibo, laguna tilmaami karo shaqsi bulshey ah oo aan qabiil shaqo ku laheyn, wuxuuna xusay inuu ugu hambalyeynayo xilka Qaranku u dhiibay

"Siyaad muddadii uu shaqada Qaranka ku soo jiray wuxuu soo qabtay shaqooyin muhiim u ah sidii Soomaaliya ay u soo ceshan laheyd Qarankeeda, wuxuuna la soo shaqeeyey Ex. R/wasaare Cali Max'ed Geeddi" ayuu yiri Xildhibaan Xassan Faarax, wuxuuna intaa ku daray in madaxda dowladdu uu u soo jeedinayo isbedel lagu sameeyo safaaradaha dibedda.

"Soomaaliya waxey la mid tahay dal hadda xornimadeedii qaadanaya, weliba waxaan dhihi karaa xilligii aan xornimadda qaadaneynay ayaan ka bisleyn maanta, oo waqtigaa hadda la joogo Soomaaliya waxey mareysaa marxalad qiil-qiil uu ku jiro jiritaankeedii, waxaana u soo jeedinayaa hay'adaha dowladda sida baarlamaanka & xukuumadda in ay ka shaqeeyaan danta & maslaxadda guud ee dalka & dadka" ayuu yiri Xassan Faarax


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com