Ganacsade siyaasi ahaa oo ku geeriyooday dalka Britain

12/11/2012 12:45:00

Marxuum Xaaji Cismaan Axmed Rooble ayaa ahaa wasiirkii maaliyadda ugu horeeyay dowladdii uu hoggaaminayay madaxweyne Aaden Cabdulle Cismaan oo isagana 2007-dii lagu aasay duleedka Muqdisho halka loo yaqaan ceel cirfiid markaasoo aas qaran loo sameeyay.


Xarunta Dalka Britain ee London waxaa ku geeriyooday ganacsade Cusmaan Axmed Rooble oo caan ka ah soomaaliya islamarkaana ah wasiirkii ugu horeeyay ee soomaali ah kaasoo qabta xilka wasaarada maaliyada.

Marxuumka ayaa xalay ku Xijabtay magaalada London kadib xanun dhanka kelyaha ah oo xiliyadaan danbe uu ka sheeganayay waxaana lagu wadaa in dhawaan ay aaskiisa oo muqdisho ka dhici dono ay ka qeybgali doonaan mas’uuliyiinta Dowlada qaarkood.
Axmed Cismaan Axmed oo ah wiil uu dhalay marxuumka ayaa bahada warbaahinta qaarkood u xaqiijiyay geerida aabihiis ee xalay ku timid taasoo dad badan oo soomaali ah ay ka naxeen.

Allaha u naxriistee Cusmaan Axmed Rooble ayaa dowladdii dhaxe ee dalka sidoo kale ka soo noqday wasiirkii gaadiidka, isagoo sidoo kale labo mar laga soo doortay degmooyinka Aadan Yabaal iyo Cadde si uu kaga mid noqdo Baarlamaanka Soomaaliya, waxaa sidoo kale uu ahaa Cusmaan Axmed Rooble {Foodey} siyaasi rug cadaa ah iyo sidoo kale ganacsade aad looga yaqaanay Soomaaliya, waxa uuna mar soo noqday Guddoomiyihii rugta ganacsiga Soomaaliya sida uu sheegay Prof. Cali Maxamed Geedi oo ka hadalay taariikha marxuumka, waxaana la sheegay in marxuumka uu u dhintay killiya xanuun muddi dheer hayey.

Marxuum Xaaji Cismaan Axmed Rooble ayaa ahaa wasiirkii maaliyadda ugu horeeyay dowladdii uu hoggaaminayay madaxweyne Aaden Cabdulle Cismaan oo isagana 2007-dii lagu aasay duleedka Muqdisho halka loo yaqaan ceel cirfiid markaasoo aas qaran loo sameeyay.
Wararka waxay intaasi ku darayaan in marxuumka loo soo qaadi doono Magaalada Muqdisho halkaasoo aas qaran loogu sameyn doono hadii alle idmo, Xaaji Cismaan waxaa uu ku dhashay magaalada Muqdisho sanadkii 1919-kii, waxana uu ifka uga tagay hanti maguurto ah iyo 37 qof oo uu dhalay.

Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com