Culimaa’udiin iyo Ganacsato dil iyo afduub loo geystaty iyo dowladda cusub ee Soomaaliya oo ka hadlay, sheegayna…

9/20/2012 5:31:00 P

Wararka naga soo gaaraya degmada Bardaale ee gobolka Bay ayaa waxay sheegayaan in habeen hore halkaasi lagu dilay labo ka mid ah culumaa’udiinka degmadaasi


Wararka naga soo gaaraya degmada Bardaale ee gobolka Bay ayaa waxay sheegayaan in habeen hore halkaasi lagu dilay labo ka mid ah culumaa’udiinka degmadaasi oo ka mid ah culimada ugu caasaneyd, iyadoo afduub loo geystay sidoo kalena mid ka mid ah ganacsatada magaaladaasi.

Goob-joogayaal ku sugan degmada Bardaale ayaa warbaahinta u sheegay in culumada la dilay lagu kala magacaabi jiray Sheekh Aadan Macalin Abshirow iyo Sheekh Maxamed Dhooble, waxaana habeen hore saqdhexe sidoo kale lagala baxay guri uu degmadaasi ka deganaa mid ka mid ah culimada deegaanka oo aan la ogeyn halka lala aaday iyo cidda afduubatay midna.
Sida warku sheegayo dableyda dilka geysatay ayaa sidoo kale horey u sii afduubtay ganacsade ka shaqeysan jiray magaalada Bardaale, iyadoo aan la garaneyn halka ay la aadeen, waxaana la sheegay in ganacsadaha lala afduubtay mid ka mid ah culimada degmada Bardaale, kuwaas oo aan illaa iyo hadda meelna lagu sheegin, isla markaasna aan laga heynin faahfaahin dhaafsiisan in la afduubtay, culimo kalena la dilay.
Dhinaca kale Guddoomiyaha gobolka Bay C/fataax Geesey oo shir jaraa’id arrintaas kaga hadlay u qabtay saxaafadda ayaa sheegay inay ku raad-joogaan kooxihii dilka u geystay labadaasi sheikh, isla markaasna afduubtay ninka ganacsadaha ah iyo wadaadka kale, wuxuuna falkaasi ku tilmaamay mid wuxushnimo ah oo aan sal ku laheyn sida uu yiri diinta Islaamka, isagoo sheegay in haatan ay wadaan baaritaano ku aadan sidii ay ku ogaan lahaayeen waxa ay ahaayeen kooxaha falkaasi geystay.
Ilaa hadda si rasmi ah looma garanayo cidda iyo sababta ka dambeysay dilka culumada iyo afduubka loo geystay ganacsadaha,waxaase la sheegay in goobtaasi ay gaareen ciidamo ka tirsan kuwa dowladda Soomaaliya iyo ciidamo Itoobiyaan ah, kuwaas oo halkaasi ka sameeyay baaritaano la xiriira dilalka iyo afduubka ka dhacay degmadaasi.


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com