Dagaalo qaraar oo ka dhacay deegaanka Xarshin oo dhaca xaduud beenaadka Somaliland iyo Ethiopia

9/13/2012 2:34:00 P

Sida warku sheegayo 8-ruux oo dhinaca dadka deegaanka ah ayaa ku dhintay iyo 4-askari oo ka mid ah ciidamada Liyii booliska,


Ugu yaraan 15-ruux ayaa ku dhimatay tiro kale oo intaasi ka bandanna way ku dhaawacantay dagaal culus oo ka dhacay deegaanka Xarshin ee gobolka ismaamulka Soomaalida ee Itoobiya, kaas oo u dhaxeeyay ciidamada loo yaqaano Liyuu booliska iyo dadka deegaanka ka dib markii sida la sheegay mid ka mid ah askartaasi uu dilay nin ganacsade ahaa oo si weyn looga yaqaanay deegaanka Xarshin iyo hareeraheeda.

Sida warku sheegayo 8-ruux oo dhinaca dadka deegaanka ah ayaa ku dhintay iyo 4-askari oo ka mid ah ciidamada Liyii booliska, waxaana jira warar soo baxaya oo sheegaya in tirada dhimashada ee dagaalka ay intaasi ka badantahay, inkastoo aan si rasmi ah loo sheegin tirada guud inta ay la’egtahay.

Warku wuxuu intaasi ku darayaa dagaalka oo markii hore u dhaxeeyay ciidamada iyo dadka deegaanka ayaa sii xoogeystay ka dib markii la dilay ninka ganacsadaha ahaa, waxaana la sheegay in dagaalka uu ku fiday deeegaano horleh oo ku dhowdhow deegaanka Xarshin oo uu markii hore dagaalku ka bilowday.

Dhaawacyo kala duwan ayaa la kala geeyay magaalooyinka Hargeysa iyo Jigjiga, illaa iyo haddana kama hadlin dagaalka maamulada labada dhinac eek an Soomaalida Itoobiya iyo maamulka Somaliland, waxaase horeay u jiray dagaal dhexmaray ciidamada Liyuu booliska ee maamulka Soomaalida Itoobiya iyo dadka deegaanka gaashaamo, kaas oo sababay khasaare aad u balaaran.

Dad rayid ah oo ku sugan deegaanada ay dagaalku ka dhaceen ayaa ku eedeeyay ciidamada Liyuu booliska ay isticmaaleen awood xad-dhaaf ah iyo tikniko badan, isla markaasna ay waxyeelo u geysteen dad badan oo rayid ah, laakiin ma jirto wax war ah oo arrinkaasi xaqiijinaya oo dhinaca kale ka soo baxay saraakiisha ciidamada Liyuu booliska.


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com